2020 Pesquera Crianza

Pesquera er flaggskip Ribera del Duero-frumkvöðulsins Alejandro Fernandez. Vínið og héraðið varð frægt á níunda áratugnum þegar vínrýnirinn Robert Parker kallaði Pesquera Petrus Spánar. 100% Tempranillo eins og öll rauðvín Alejandós. 14 mánuðir í amerískri eik og 6 mánuðir í flösku sem gerir vínið það léttasta í röðinni. Dökk-rauðblátt, frískleg lykt af rauðum berjum með smá votti af myntu og píputóbaki. Ferskt og mjúkt í bragði, smá appelsína, mjúk tannín, mynta og lakkrís. Fáguð ljúf ending. Ekki eins mikill bolti og Pesquera var áður fyrr. Hentar grilluðu kjöti, sérstaklega lambi og svíni.