NIDRA & GONG

Nærandi stund fyrir taugakerfið þar sem líkama og huga er boðið inn í kærkomna hvíld. Ásetningurinn er að skapa rými fyrir hugarró, djúpa kyrrð og áreynslulausa streitulosun — að færa sig frá hugsun og gjörðum yfir í að finna og einfaldlega vera. Sleppa takinu og treysta flæðinu. Með blöndu af Yoga Nidra, ævafornri hugleiðslutækni, og tónheilun leiðir Kristín Bára þig í djúpt ferðalag þar sem hlúð er að líkama og sál og slakandi hluti taugakerfisins fær að taka við. Djúpir tónar gongsins umlykja líkamann og skapa rými þar sem hugurinn getur smám saman gefið eftir. Við færum okkur inn í kyrrðina handan hugsananna — stað þar sem líkaminn fær að hvílast, endurnærast og sleppa spennu. Fátt er dýrmætara en að leyfa sér að sleppa takinu á væntingum hugans og sökkva inn í djúpa slökun. Kennari: Kristín Bára Tímasetning: Mánudagur @17.00 Lengd: 60 mínútur Allur búnaður á staðnum