Ravsøgn (FO) Hóskvøldið 20.august kl.21

Ravsøgn Teitur Dánialsson Tauser (sang), Baldur Meitil (tangentar), Justin James Villanueva (saksofon), Djóni Nolsøe Fischer (bass), Ári Berghamar Danielsen (trummur) Bólkurin snýr seg um at skapa føroyskan Lo Fi tónleik. Heitið á bólkinum, RAVSØGN, er ein samanseting av føroysku orðunum ‘ravmagn’ og ‘søgn’. Hugskotið til bólkin kom frá at blanda okkurt gamalt við okkurt nýtt: mytologi í elektroniskum hami. Innihaldið í tekstunum er ofta eitt samspæl millum tvey element, ið bera brá av hesum dualitetinum millum nýtt og gamalt, gerandisdagar og sagnir. RAVSØGN er fyri allar sálir, ið elska Lo Fi og jazz.