"Skjáskot/Screengrab"- númeraður og áritaður bolur

Bolurinn er teiknaður af Skarphéðni Bergþórusyni og er hluti af sýningunni "Tvínóna forever" sem stendur yfir í Farva til 2. maí, Álfheimum 4, 104Reykjavík. "Í fæðingarorlofinu sá ég gamlan þátt með Birni Th. þar sem hann ræddi í sjónvarpssal um Kjarval. Hann sat í stúdíói við borð og benti á verkin á skjá og ræddi um listamanninn. Í salnum sátu áhorfendur og rétt glitti í stúlku sem sat þar, sneri baki við okkur sem fylgdumst með heima, hún var greinilega í Stüssy-hettupeysu, sem var einn stærsti pósturinn í tísku 10. áratugarins. Hún og peysan áttu jafnmikið heima í þættinum og þau voru líka í algjörri andstæðu við Björn Th. og Kjarval. Í mínum augum brann þetta allt saman í eitt. " Bolirnir eru framleiddir í takmarkaða upplaginu 100 og koma með númeruðu og árituðu vottorði listamanns. Fleiri verk af sýningunni er hægt að skoða hjá okkur í Álfheimunum eða hér: Handþrykkt á prentverkstæði okkar í Álfheimum með umhverfisvænum, vatnsblandanlegum prentlitum sem eru án PVC plastefnis og þalíns. Prentið er hitað upp í 175°C sem festir það við þræði efnisins og verður þannig þvottahæft. Bolurinn er úr 240 gsm þykkri lífrænni bómull frá Stanley/Stella - "Relaxed" snið (vítt snið, sjá stærðartöflu)