დანახული რეალური სამყაროდან

კავკასიელი მისტიკოსის ეს ადრეული ნაშრომი წარმოადგენს მის მოწაფეთა ჩანაწერებს, რომლებიც უშუალოდ გურჯიევის გამონათქვამებსა და ლექციებზეა დაფუძნებული და რომლებიც ცხოვრების მრავალ მნიშვნელოვან მხარეს ეხება: თვითდაკვირვება, ყურადღება, სატანჯველის აზრი, ჩვეულების მსხვრევა, როგორ გავახანგრძლივოთ სიცოცხლე? არსი და პიროვნება, მტკიცება და უარყოფა, გულგრილობა, სამყაროს მატერიალურობა, ვის გააჩნია თავისუფალი ნება? გავლენა ადამიანზე და ა.შ. წინამდებარე გამოცემას დაემატა შემდეგი ლექციები, „ბავშვების აღზრდა“, „ჩამომყალიბებელი აპარატი“, „სხეული – არსი – პიროვნება“, „თავისი თავისგან თვითგანცალკევება“, „ვარჯიშთა შვიდი კატეგორია“, „შემოქმედებითი ხელოვნება – სუბიექტური ხელოვნება“, „ღმერთი-სიტყვა“.