Alsace - Frakkland (12. sep)

Alsace er hérað í austurhluta Frakklands nálægt landamærum Þýskalands. Það er þekkt fyrir einstaka blöndu af franskri og þýskri menningu, ríkulega matargerð, framúrskarandi hvítvín og fallegar miðaldaborgir. Gist verður í einu af fallegustu þorpum Alsace, Riquewhir sem er staðsett í hjarta vínhéraðsins á milli Vosgesfjalla og Rínardalsins. Við munum ganga um vínakra á milli fallegra miðaldaþorpa, upp í hlíðar ofan við vínræktarsvæðin, koma við hjá vínbændum og smakka framleiðsluna auk þess sem við heimsækjum borgirnar Colmar og Strassbourg.