The Leemanplate Tee

《The Leemanplate Tee》 不務正業；利萬最先。 不嬲都係我哋嘅宗旨。 其實好多年前，我哋已經成日話想整返件屬於 The Leemanplate 嘅制服。奈何每次都係諗完就算，設計改完又改，個心肝始終的唔起。拖下拖下，拖到今日終於肯做。人最擅長嘅果然係將一件簡單嘅事拖幾年。 正所謂，衫日日都要着，買人哋嘅，不如索性自己做。 但又冇理由淨係整一兩件自己着，既然都做到，就不如獨樂樂不如眾樂樂，正式將佢推出嚟。 今次《The Leemanplate Tee》以我哋一直沿用嘅品牌字樣做主角： The Leemanplate est.1979 GOOD NUMBER PLATE FACTORY HONG KONG 冇乜花臣，亦唔需要驚死全世界唔知你着緊咩牌子。簡簡單單、帶少少老店制服味，反而更加係我哋想要嘅感覺。 今次推出 有衫袋 Pocket Tee ，採用黑色純棉 GILDAN T-shirt，Made in Bangladesh。布料舒服實淨，做工亦相當唔錯，最重要係今次印花連細字都可以印得非常清楚，實物效果比我哋原本預期仲要靚。 黑底配白字，本身已經係最百搭又最襟睇嘅組合。着返工得、揸車得、飲咖啡得、落街食個茶餐廳又得。就算完全唔識 The Leemanplate，當一件復古工房風 Tee 着都成立。 我哋本身就唔係做時裝嘅，所以更加唔想搞到件衫太多無謂嘢。 舒服、耐着、字印得靚、自己真係會着。 就係咁簡單。 The Leemanplate Tee 利萬少有真正「不務正業」嘅產品。 但既然都不務正業，梗係要認真做。 😎