Lugina e vegimit

Lutjet në këtë libër janë mbledhur nga arkiva kryesisht e harruar e ushtrimeve frymërore, meditimeve dhe aspiratave puritane. Ato dëshmojnë për pasurinë dhe ngjyrat e mendimit dhe të gjuhës ungjillore, të cilat i dhanë gjallëri përshpirtshmërisë jetike në një rrymë të rëndësishme të jetës fetare angleze. Pikërisht në praktikën e lutjes dhe atë të meditimit qëndronte forca e karakterit dhe jetës puritane. Në gjithë këtë vëllim është përdorur një formë poetike si ndihmë për t’i kuptuar dhe për t’i lexuar më lehtë. Çdo lutje përbëhet nga disa fjali kryesore me fjali të nënrenditura që hedhin dritë dhe e shtjellojnë temën. Kjo jep mundësi për ndalesa dhe reflektime.