Í fótspor formæðra og -feðra í Noregi (12. ágú)

Einstök ferð um Vestur-Noreg þar sem við fetum í fótspor formæðra okkar og forfeðra sem héldu vestur um haf og námu land á Íslandi fyrir meira en 1100 árum. Talið er að stór hluti landnámsmanna Íslands hafi komið frá Vestlandinu og Rogalandi í Noregi. Við ferðumst um þessi sögufrægu héruð, heimsækjum merka staði sem tengjast víkingaöld og landnámi Íslands og kynnumst þeim slóðum sem forfeður okkar og formæður kvöddu þegar þau lögðu upp í óvissuferðina til Íslands. Á leiðinni njótum við stórbrotinnar náttúru Vestur-Noregs, þar sem tignarleg fjöll, djúpir firðir, glæsilegir fossar og gróðursælir dalir mynda ógleymanlega umgjörð um ferðalagið.