【清心潤肺】沙參玉竹霸王花潤肺湯

「鮮霸王花」好適合腸胃熱氣、便秘、胃脹、口臭、面紅眼紅、口苦口乾同埋喉嚨痛嘅人食。 而『霸王花乾』就冇咁寒涼，偏向溫和清涼，所以用『霸王花乾』煲湯會啱煲多啲。 小童頸生[痰火核]可以試下用霸王花煲湯 材料（約 4～6 人份） 霸王花：38g 沙參：38g 玉竹：25g 海底椰：25g 百合：38g 無花果：3 顆 陳皮：1 角 栗子乾: 38g 搭配肉類：瘦肉500 克（素食者可加紅蘿蔔、玉米或腰果） 水：3L 鹽：適量 呢個湯有 『沙參配玉竹』簡直係絕配！主要幫手滋陰潤燥、生津止渴；再加埋『霸王花乾』可以清熱潤肺同化痰。成個組合對於喉嚨乾痛、乾咳無痰、同埋口乾舌燥嘅人嚟講，真係非常有幫助！