Teatro do Pichel

O grupo de teatro do Pichel, nascido hai 15 anos, é umha pequena companhia com pessoas que começam, continuam ou voltam. Dirigido e alimentado por Zé Paredes, um profissional do teatro que escolheu trabalhar num grupo amador, o Teatro do Pichel alberga o mérito de ter resistido no tempo. Porque um grupo amador sempre tem umha componente de fragilidade ligada às circunstâncias pessoais, mas mesmo assi temos conseguido fazer cada ano umha montagem; e cada montagem é umha pequena proeza coletiva. O Teatro do Pichel é gente que se junta, que pensa junta, que se emociona junta, que tenta que as pessoas que nos venhem ver saiam diferentes a como entrárom. 15 anos de teatro em galego, com conteúdo político e comprometido; estar no Teatro do Pichel é também umha maneira de transformar e de construir comunidade!